Сонгуулийн сурталчилгааг өнөөдөр 23.59 цагт зогсооно

Аймаг, нийслэл, сум, дүүргийн ИТХ-ын 2024 оны ээлжит сонгуулийн сурталчилгааны хугацаа өнөөдрөөр дуусгавар болж байна. Хуулийн дагуу сонгуулийн сурталчилгааг санал хураалт эхлэхээс нэг өдрийн өмнө зогсоодог. Тиймээс аравдугаар сарын 11-нд санал хураалт явуулах тул сонгуулийн сурталчилгааг өнөөдрийн 23.59 цагаас зогсооно.

Орон нутгийн сонгуулийн санал хураалт баасан гараг буюу аравдугаар сарын 11-ний 07.00-20.00 цагт болно. Энэ өдөр бүх нийтээр амрах хуультай тул сонгуульдаа идэвхтэй оролцохыг холбогдох албаныхан уриалж байна. Мөн тухайн өдөр ажиллах ажилчдад чөлөө олгож, санал өгүүлэх үүргийг аж ахуйн нэгжүүд хуулиар хүлээсэн байдаг.