Дараагийн спикер хэн бэ?

Шинэ парламентын спикер хэн байх вэ гэдэг асуудал анхаарал татаж байна.  МАН дотор энэ суудалд өрсөлдөх хүн цөөнгүй бий. Гэхдээ одоогийн УИХ-ын дарга Г.Занданшатарыг хэвээр үлдээнэ гэсэн яриа байгаа бол УИХ-ын гишүүн Л.Оюун-Эрдэнийн нэр ч яригдаж байгаа юм байна.  Мөн Дундговь аймгаас сонгогдсон Сү.Батболд ч УИХ-ын дарга байж болох хувилбар. УИХ-ын дарга хүн юуны түрүүнд парламентын туршлагатай, ахмад гишүүн байх ёстой. Тэгэхээр  Л.Оюун-Эрдэнэ энэ суудалд төдийлөн тохирохгүй болов уу.  Харин гол өрсөлдөөн  Г.Занданшатар,  Сү.Батболд хоёрын дунд явагдах төлөвтэй байна.