Засгийн газар өнөөдөр хуралдахгүй

Засгийн газрын ээлжит хуралдаан долоо хоног бүрийн Лхагва гаригт болдог ч энэ удаад өнжих нь.

Ерөнхий сайд Н.Учрал есдүгээр сарын 1-4-нд ОХУ-ын Владивосток хотноо зохион байгуулагдах Дорнын эдийн засгийн чуулга уулзалтад оролцохоор явсан. Ерөнхий сайдыг дагалдан Засгийн газрын гишүүн мөн ажиллаж байна. Түүнчлэн Киргиз улсын нийслэл Бишкек хотноо болсон ШХАБ-ын гишүүн орнуудын хуралдаанд Ерөнхийлөгч У.Хүрэлсүх оролцсон бөгөөд айлчлалын бүрэлдэхүүнд Засгийн газрын сайд нар багтсан. Тодруулбал, Шадар сайд Н.Номтойбаяр, Аж үйлдвэр, эрдэс баялгийн сайд Г.Дамдинням, Зам тээврийн сайд Б.Дэлгэрсайхан нар айлчлалын бүрэлдэхүүнд багтсан. Үндсэндээ Засгийн газрын сайд эзгүй тул ээлжит хуралдааныг өнжиж байна.