Тодруулбал, Монгол Улсын Сонгуулийн тухай болон холбогдох бусад хууль, тогтоомжийг дээдэлж оролцох, Сурталчилгааны хугацаанд хуулиар хориглосон аливаа үйлдэл, үйл ажиллагаа гаргахгүй байх зэргийг зөвлөмжид тусгасан байна. Мөн сонгуульд оролцсон зардлын тайлангаа хуульд заасан хугацаанд гаргаж ирүүлэхийг зөвлөжээ.

Уг зөвлөмжийг өнөөдөр СЕХ-ны дарга Ч.Содномцэрэн сонгуульд өрсөлдөж буй намуудын Ерөнхий нарийн бичгийн дарга нарт гардуулав.

Сонгуулийн ерөнхий хорооноос Ерөнхийлөгчийн 2017 оны сонгуулийн бэлтгэл ажлын хүрээнд дараах шийдвэрүүдийг гаргаад байгаа юм.

Үндэсний олон нийтийн радио, телевизээр төлбөргүй нэвтрүүлэх сурталчилгааны нэвтрүүлгийн хуваарь, цаг:

Нэвтрүүлгийн хуваарь гаргахдаа,  нам,  нэр дэвшигчдэд ижил нөхцөл, боломж, тэнцүү хугацаа ногдохоор тооцсон байна. Үндэсний олон нийтийн радио,телевиз нэр дэвшигч тус бүрт нэг өдөрт  15 минутын нэвтрүүлэг, 2 минутын мэдээний цаг оногдохоор хуваарь гаргажээ.

Ерөнхийлөгчийн сонгуулийн саналын хуудасны загвар, нэгдсэн дугаар, тоо:

Саналын хуудас нь нэр дэвшигчийн цээж зурагтай байх бөгөөд УИХ-д хамгийн олон суудалтай намаас нэр дэвшсэн нэр дэвшигчээс эхэлж нэр дэвшигчид  дараалуулан бичигдсэн байна.

Харин саналын  хуудасны тоог батлахдаа, сонгогчдын нэрийн жагсаалтад бүртгэгдсэн иргэдийн тоог үндэслэн гаргажээ.

Сонгуулийн Ерөнхий Хорооны  хуралдаанд Европын Аюулгүй байдал, хамтын ажиллагааны байгууллагын Ардчилсан институц, хүний эрхийн газрын Сонгууль ажиглах Хорооны ажиглагчдын төлөөлөл оролцож  явцыг нь ажигласан байна.

Гадаад улсад байгаа иргэдийн санал авах ажлыг зохион байгуулах Төв комиссын мэдээлэл:

Гадаад улсад байгаа иргэдийн санал авах ажлыг зохион байгуулах Төв комиссын дарга Д.Даваасүрэн хийхдээ,  гадаадад байгаа иргэдийн санал авах ажлыг зохион байгуулах 45 салбар комисс 33 улсад байгуулагдаж тэдгээрт ажиллах  албан хаагчдад зориулсан сургалт явуулсан байна.

Нийт 200 орчим хүн ийнхүү сургалтад хамрагдаж мэдээллийн санд бүртгэгдсэн зэргээр бэлтгэл ажил төлөвлөгөөний дагуу явагдаж байгааг тэрээр тэмдэглэв.

Хуульд заасан хугацаанд гадаадад байгаа  иргэдийн 7,378 нь сонгуульд оролцохоо мэдэгдэж, бүртгүүлсэн байна.

Гадаад улсад байгаа сонгогчдын нэрийн жагсаалтыг Төв комисс болон улсын бүртгэлийн асуудал эрхэлсэн төрийн захиргааны байгууллагад хүргүүлээд байгаа бөгөөд ийнхүү жагсаалтыг нягтлан шалгаад байгаа ажээ.