Нийслэлийн Засаг даргын өнгөрөгч сарын 09-ний өдрийн А/800 тоот захирамжийн хэрэгжилтийг хангаж ажиллах хүрээнд Туул голын эрэг дагуу таван чиглэлд /Тэрэлж, Хэрлэн, Туул голын дагуу /Хар усан тохой – Баянзүрхийн гүүр, Баянзүрхийн гүүр – Маршалын гүүр, маршалын гүүр – Яармагийн гүүр, Яармагийн гүүр – Сонсголонгийн гүүр, Сонсголонгийн гүүр – Нисэхийн эцэс /хадан хясаа/ НОБГ, НЦУГ-тай хамтран иргэд олон нийтэд анхааруулах, сэрэмжлүүлэг, зөвлөмжийг өгөн ажиллаж байна.

Энэ хугацаанд үер, усны аюулаас урьдчилан сэрэмжлүүлэх ярианд 9589 иргэд олон нийтийг оролцуулж, 5366 ширхэг анхааруулах, зөвлөмжийг тарааж, 1275 автомашиныг ногоон бүсээс гарган нийт 5256 км эргүүлээр явж давтагдсан тоогоор 129 албан хаагч ажиллажээ. Үргэлжлүүлэн усархаг бороо их орох төлөвтэй байгаа тул үер усны аюулаас, бага насны хүүхдийг болзошгүй эрсдэлээс урьдчилан сэргийлээрэй.

Нийслэлийн гэр бүл, хүүхэд, залуучуудын хөгжлийн газар