БОАЖ-ЫН САЙД Н.УРТНАСАН ГЕРМАНЫ СЭРГЭЭН БОСГОЛТЫН ЗЭЭЛИЙН БАНКНЫ СУУРИН ТӨЛӨӨЛӨГЧИЙГ ХҮЛЭЭН АВЧ УУЛЗЛАА

Өнөөдөр БОАЖ-ын сайд Н.Уртнасан Германы Сэргээн босголтын зээлийн банкны суурин төлөөлөгч Михиал Сумсирыг хүлээн авч уулзлаа. Уулзалтаар хамтын ажиллагааны хүрээнд хэрэгжүүлж байгаа төсөл, хөтөлбөрүүдийн талаар мэдээлэл солилцож цаашид анхаарах шаардлагатай асуудлуудыг ярилцлаа. 

БОАЖ-ын сайд Н.Уртнасан Монгол, Герман хоёр орон байгаль орчин, тэр дундаа ой, тусгай хамгаалалт, уур амьсгалын өөрчлөлтийн чиглэлээр олон жилийн турш хамтын ажиллагаагаа өргөжүүлж ирснийг онцлоод цаашид ч төсөл, хөтөлбөрүүдийг илүү үр дүнтэй байлгах, арчилж хамгаалах чиглэлд анхааран ажиллана гэсэн юм.

ГСБЗБ-ны суурин төлөөлөгч Михиал Сумсир “Биологийн олон янз байдлыг хамгаалах, уур амьсгалын өөрчлөлтөд дасан зохицох” төслөөр дамжуулан 39 сая долларын буцалтгүй тусламжийг Монгол орны байгаль орчин, тэр дундаа тусгай хамгаалалттай газар нутгийг хамгаалах чиглэлд зарцуулж байгаа бөгөөд төслийн хэрэгжилтийг хангахад Монголын талаас гэрээгээр хүлээсэн үүргээ биелүүлэхэд анхаарал хандуулахыг хүссэн юм.

Уулзалтын төсгөлд БОАЖ-ын сайд Н.Уртнасан тавьсан саналуудыг хүлээн авч цаашдын ажилдаа тусган ажиллана гэдгээ илэрхийллээ.