Хүүхдийг чихэр их идэхээс хэрхэн сэргийлэх талаарх зөвлөгөөг Нийгмийн эрүүл мэндийн үндэсний төвөөс гаргажээ. 

Үүнд:

• Хүүхдэд нэмэлт сахар өгөхгүй байх,
• Нэг нас хүрээгүй хүүхдийн нэмэгдэл хоолонд чихэр хийхгүй байх,
• Чихэрлэг хүнсний бүтээгдэхүүнийг хязгаарлах,
• Хүүхдийн бэлэгт чихэр өгдөг уламжлалыг зогсоох,
• Хүүхдэдээ чихэр идэх нь ямар хор нөлөөтэйг тайлбарлах хэрэгтэй.

Манай улсын хамгийн тулгамдсан асуудлын нэг нь чихрийн шижин өвчин болоод байна. 7-11 настай хүүхдийн таргалалт сүүлийн долоон жилийн дотор долоо дахин өсжээ.

ДЭМБ-аас хэт чихэрлэг ундааг хязгаарлахгүй бол сөрөг үр дагав гарч байгаа талаар анхааруулж байгаа. Иймд хэт чихэрлэг ундааг хязгаарлах хуулийг 2024 оны нэгдүгээр сарын 1-нээс хэрэгжихээр тооцон, УИХ-ын гишүүд өргөн бариад буй.