18 аймгийн 179 суманд иргэдийн зорчих хөдөлгөөнийг хязгаарлаад байна

Коронавируст халдварын тархалт нэмэгдэж, шинэ голомтууд үүсч байгаатай холбогдуулан 2021 оны зургаадугаар сарын 24-ний өдрийн байдлаар 18 аймгийн 179 суманд иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоосон байна.

Тодруулбал:

-Архангай аймгийн 9 сум буюу Их тамир, Төвшрүүлэх, Хашаат, Хотонт, Өндөр-Улаан, Эрдэнэбулган, Өлзийт, Тариат, Цэцэрлэг
-Хөвсгөл аймгийн 24 сум
-Булган аймгийн 7 сум буюу Гурван булаг, Хутаг-Өндөр, Тэшиг, Могод, Бугат, Баян-Агт, Сайхан
-Төв аймгийн 4 сум буюу Лүн, Баян-Өнжүүл, Эрдэнэ, Зуунмод
-Сүхбаатар аймгийн 9 сум буюу Онгон, Наран, Сүхбаатар, Дарьганга, Баяндэлгэр, Түвшинширээт, Асгат, Эрдэнэцагаан
-Баянхонгор аймгийн 20 сум
-Хэнтий аймгийн 18 сум
-Дорнод аймгийн 5 сум буюу Сэргэлэн, Баяндун, Матад, Булган, Гурванзагал, Хөлөнбуйр
-Ховд аймгийн 1 сум буюу Булган
-Дундговь аймгийн 11 сум буюу Сайнцагаан, Дэлгэрхангай, Сайхан-Овоо, Цагаандэлгэр, Өлзийт, Дэрэн, -Эрдэнэдалай, Хулд, Гурвансайхан, Адаацаг, Баянжаргалан
-Дорноговь аймгийн 14 сум
-Сэлэнгэ аймгийн 14 сум буюу Алтанбулаг, Баруунбүрэн, Баянгол, Ерөө, Жавхлант, Зүүнбүрэн, Мандал, -Орхон, Сайхан, Хушаат, Хүдэр, Түшиг, Сант, Орхонтуул
-Увс аймгийн 6 сум буюу Давст, Тэс, Наранбулаг, Сагил, Өмнөговь, Малчин
-Өмнөговь аймгийн 15 сум
-Дархан-Уул аймгийн 2 сум буюу Дархан, Шарын гол
-Баян-Өлгий аймгийн 3 сум буюу дэлүүн, Цэнгэл, Булган,
-Завхан аймгийн 11 сум буюу Завханмандал, Баянтэс, Тэлмэн, Сонгино, Дөрвөлжин, Цэцэн-Уул, Ургамал, -Сантмаргад, Отгон, Цагаанчулуут, Алдархаан сум
-Говьсүмбэр аймгийн 3 сум иргэдийн зорчих хөдөлгөөн, төрийн болон хуулийн этгээдийн үйл ажиллагаанд хязгаарлалт тогтоогоод байна.

Иймд дээрх аймаг, сумд руу зорчих иргэд тухайн аймаг, сумынхаа Онцгой комиссоос урьдчилан мэдээлэл авч зорчихыг анхааруулж байна.