Нэр дэвшигчдийн батламжийг ирэх сарын 2-нд гардуулна

УИХ-ын 2020 оны ээлжит сонгуулийг ирэх зургаадугаар сарын 24-ний өдөр зохион байгуулна. Энэ удаагийн ээлжит сонгуульд улс төрийн 15 нам, дөрвөн эвсэл болон бие даагчид нийлээд нийт 647 нэр дэвшигч өрсөлдөхөө мэдэгдсэн.

Энэ сарын 21-ний өдөр улс төрийн нам, эвслүүд Сонгуулийн ерөнхий хороо (СЕХ)-нд нэр дэвшигчийнхээ нэрийг албан ёсоор хүргүүлсэн. Ингэснээр СЕХ ирэх Мягмар (2020.05.26) гаригт хууль, тогтоомжид нийцсэн нэр дэвшигчдийг зарлах юм.

Ирэх зургаадугаар сарын 2-ны өдөр нэр дэвшигчдэд албан ёсоор батламжийг нь гардуулах бөгөөд батламжаа гардаж авсан нэр дэвшигчид сонгуулийн сурталчилгааны ажилдаа орох боломжтой болно