Монгол Улсын ундны усанд агуулагдах ураны шинжилгээ хийжээ

Доктор, физикч Н.Тэгшбаяр тэргүүтэй эрдэмтэд Монгол Улсын ундны усанд агуулагдах ураны шинжилгээ хийсэн байна.

Эрдэмтдийн шинжилгээгээр ундны усан дахь цацраг идэвхит бодис хэвийн хэмжээнд гарчээ. Хамгийн гайхалтай нь эдгээр эрдэмтэн усаар дамжуулан тухайн газрын эрдэс бодис, хөрсний үечлэл зэргийг тодорхойлох бололцоотой гэж үзэж байгаа юм. Өөрөөр хэлбэл, хүний цусаар эд эрхтэний өвчлөл, эмгэг зэргийг тодорхойлж буйтай адил усаар дамжуулан өвс ургамлын гарц, нөлөө, малын эрүүл мэндийг ч тандах бололцоо бий гэх таамаг гаргажээ.