Коронавирусийн эрсдэлтэй бүсээс ирсэн ч хамгаалалтанд орохгүй хэмээн хэл ам татлаад байсан МАН-ын нарийн бичгийн дарга Ц.Бат-Энхийг үүрэгт ажлаас нь чөлөөл хэмээн Ерөнхий сайд У.Хүрэлсүх үүрэг болгоод байсан юм. Тэгвэл өнөөдөр МАН-ын Ерөнхий нарийн бичгийн дарга Д.Амарбаясгалан Ц.Бат-Энхийг үүрэгт ажлаас нь чөлөөлөх шийдвэр гаргасан байна.
Улсын онцгой комиссын шийдвэрийг эсэргүүцсэн МАН-ын нарийн бичиг Ц.Бат-Энхийг чөлөөлжээ. Тэрбээр шинэ коронавирусийн халдвар тархсан газраас буюу БНСУ-аас Японоор дамжин өчигдөр эх орондоо ирсэн юм. Улсын онцгой комиссоос гаргасан шийдвэрийн дагуу халдвар тархсан газраас ирж байгаа иргэдийг тодорхой хугацаагаар тусгаарлан, үзлэг шинжилгээ хийж, халдвар авсан эсэхийг тогтоож байгаа. Гэтэл Ц.Бат-Энх УОК-ын энэхүү шийдвэрийг эсэргүүцэн, тусгаарлагдахаас татгалзжээ. Улмаар төрийн албан хаагчдын хууль ёсны шаардлагыг биелүүлээгүй Ц.Бат-Энхийг албадан тусгаарласан байна.
