Зарим шатахуун түгээх станцуудын үйл ажиллагааг зогсоов

Холбогдох албадаас шатахуун түгээх газруудад шалгалт хийжээ. Гэвч шалгалтаар барилга байгууламжийг байнгын ашиглалтад улсын комисст хүлээлгэж өгөөгүй, зөвшөөрөлгүй үйл ажиллагаа эрхэлсэн зэрэг зөрчлүүд илэрчээ. Иймд тус станцуудын шатахуун болон хийн түгээгүүрийн тогийг таслан лацдаж үйл ажиллагааг нь зогсоолоо. Тухайлбал, “Дашваанжил” ХХК-ийн Сүхбаатар дүүрэг дэх 22-р хорооны нутаг дэвсгэрийн Тахилтын авто машин хийгээр цэнэглэх станц-32, ЧД-ийн 7 хорооны зам дагуу байрлах Зурагтын -41, “Горгаз” ХХК-ийн 22-ын тойргийн орчимд байрлах автомашин хийгээр цэнэглэх станц, “Сод Монгол” ХХК-ийн Баянхошууны зам дагуух шатахуун түгээх станцын ашиглалтын байдалд шалгалт хийсэн байна.