Ачааны машинуудыг энэ сарын 27-н хүртэл шалгана

Нийслэлийн гудамж, замын хөдөлгөөнд оролцож байгаа ачааны авто машины ачаа тээвэрлэлт, зам, замын байгууламжийн ашиглалт, авто тээврийн хэрэгслийн стандартын үзүүлэлт, шаардлагад Нийслэлийн Авто замын хөгжлийн газар, Нийслэлийн Тээврийн газар, Замын цагдаагийн алба хамтран хяналт, шалгалт хийж байна.

Замын хөдөлгөөнд оролцож байгаа ачааны авто машинуудад “Авто тээврийн тухай”, “Зөрчлийн тухай”, “Авто замын тухай”, “Замын хөдөлгөөний аюулгүй байдлын тухай” хуулиуд, НИТХ-ын Тэргүүлэгчдийн 2014 оны 102 дугаар тогтоол болон эрх бүхий байгууллагаас батлан гаргасан дүрэм, журам, стандартын хэрэгжилт хэрхэн хангагдаж буй байдалд хяналт тавьж, илэрсэн зөрчил, дутагдлыг арилгуулах, эрсдлээс урьдчилан сэргийлэх, мэргэжил аргазүйн зөвлөгөө өгөх зорилготой юм. Шалгалт 4-р сарын 27-ны өдөр хүртэл үргэлжилнэ.

А.Уянга