Хүн амын амьжиргааны доод түвшин Улаанбаатарт 313.400 төгрөг боллоо

Үндэсний статистикийн хорооноос хүн амын амьжиргааны доод түвшнийг шинэчлэн баталж, өнөөдрөөс /02.01/ мөрдөж эхэллээ.

Хүн амын амьжиргааны доод түвшнийг бүсээр авч үзвэл:

Баруун бүсэд 274.400 төгрөг
Хангайн бүсэд 282.500 төгрөг
Төвийн бүсэд 272.300 төгрөг
Зүүн бүсэд 271.800 төгрөг
Улаанбаатарт 313,400 төгрөг болсон байна. Энэ нь өмнөх оныхоос нэмэгджээ.

Хүн амын амьжиргааны доод түвшин гэж хэрэглээний доод хэмжээг мөнгөн хэлбэрээр илэрхийлснийг хэлдэг. Хэрэглээний доод хэмжээ гэж хүний нэн тэргүүний зайлшгүй хэрэгцээг хангах хүнсний болон хүнсний бус хэрэглээний сагсаар тодорхойлсон бараа, үйлчилгээний шинжлэх ухааны үндэслэлтэй тогтоосон тоо, хэмжээ.

Нийгмийн даатгалын болон нийгмийн халамжийн тэтгэвэр, тэтгэмж, хөдөлмөрийн хөлс, нөхөн олговрын хэмжээг тогтоох, төрөөс иргэдэд эд, мөнгөний туслалцаа үзүүлэхэд хүн амын амьжиргааны доод түвшнийг жишиг болгодог байна.

2022 онд Улаанбаатарт амьжиргааны доод түвшин 277,800, баруун бүсэд 238,800, хангайн бүсэд 240,400, төвийнхөд 239,200, зүүн бүсэд 236,400 төгрөг байсан юм.