СЭРЭМЖЛҮҮЛЭГ: Жирэмсэн эмэгтэй, бага насны хүүхэд зорчиж явсан автомашин Туул голын мөсөнд цөмөрч, суужээ

Нийслэлийн Баянзүрх дүүргийн 20 дугаар хороо, Гачууртын эцэст Туул голын мөс цөмөрч, автомашин суусан тухай дуудлага мэдээллийг онцгой байдлыг алба нэгдүгээр сарын 29-ний 18:02 цагт хүлээн авсан байна.

Тухайн машинд бага насны нэг хүүхэд, дөрвөн том хүн зорчиж явсны нэг нь жирэмсэн эмэгтэй байжээ.

Дуудлагын дагуу нийслэлийн Аврах ангийн алба хаагчдыг очиход “Мөөгт-Ам” амралтын газраас хойш нэг километр зайд “Приус-20” загварын суудлын автомашин “Туул” голын мөс цөмөрч суусан байсныг 40 минут ажиллаж татан гаргасан хэмээн Онцгой Байдлын Ерөнхий Газраас мэдээлэв.