Ирэх амралтын өдрүүдээр Энэтхэг, Пакистаны нутгаар +49 градуст хүрч халах төлөвтэй байна

Пакистан, Энэтхэгийн нутаг дэвсгэрт дөрөвдүгээр сараас хойш өндөр температур ажиглагдаж байгаа нь уур амьсгалын өөрчлөлттэй холбоотой гэж Дэлхийн цаг уурын байгууллагаас мэдэгдэв. Пакистаны зарим нутагт +50 хэм хүрч халсан бол Энэтхэгт сүүлийн 100 гаруй жилийн түүхэнд ер бусын халуун дөрөвдүгээр сард бүртгэгдлээ. Аагим халуун өдрүүд одоо ч үргэлжилж ирэх бямба, ням гаригт Энэтхэг, Пакистаны нутгаар +49 градуст хүрч халах төлөвтэй байна.