Цагдаагийн ерөнхий газрын дотоод хяналт шалгалтаар Замын цагдаагийн хэлтсийн дарга нар мөрийтэй тоглож байсныг илрүүлжээ. Тодруулбал, энэ сарын эхээр нийслэлийн Цагдаагийн удирдах газрын харьяа Сүхбаатар дүүрэг дэх цагдаагийн газрын Замын цагдаагийн хэлтсийн дарга, Чингэлтэй дүүрэг дэх цагдаагийн газрын Замын цагдаагийн хэлтсийн дарга нар мөрийтэй тоглож байгаад үйлдэл дээрээ баригдсан байна.

Энэ талаар ЦЕГ-аас тодруулахад “Энэ хэргийг нууцлаагүй ээ. Манайх дотоод хяналт шалгалтаар энэ асуудлыг илрүүлсэн. Адбан шалгалт хийж байгаа. Удахгүй дүгнэлт гарна” гэв.