Гэр бүлийн маргааны улмаас өндрөөс унах гэж байсан залууг эсэн мэнд буулгажээ

Сонгинохайрхан дүүргийн 37 дугаар хороо, 48/А дугаар байрны 6 орцны 5 дугаар давхрын тагт дээрээс хүн үсэрч болзошгүй байна гэсэн дуудлагыг энэ сарын 9-ний өдрийн 00:19 цагт Онцгой байдлын албанд мэдэгджээ.

Нийслэлийн Аврах 105 дугаар ангийн алба хаагчид 8.5 км замыг туулан очиход иргэн С /21 настай, эрэгтэй, гэр бүлийн маргаантай/ согтууруулах ундааны зүйл хэрэглэсэн үедээ тагтан дээрээс үсэрч болзошгүй байсныг ярилцлага хийснээр эсэн мэнд буулгаж тус дүүрэг дэх Цагдаагийн 2 дугаар хэлтсийн мөрдөгчид хүлээлгэн өгсөн.