ТЦА: Торгуулийн 50 хувийг төлж барагдуулаагүй бол өршөөлд хамруулахгүй

Зарим гэмт хэрэг, зөрчил үйлдсэн хүн, хуулийн этгээдийг эрүүгийн хариуцлага, зөрчлийн шийтгэлээс нэг удаа өршөөн хэлтрүүлэх өршөөл үзүүлэх тухай хууль 2021 оны 07 дугаар сарын 06-ны өдрөөс хүчин төгөлдөр хэрэгжиж эхэлсэн. Үүнтэй холбогдуулан 2017 оны 07 дугаар сарын 01-ний өдрөөс 2021 оны 06 дугаар сарын 24-ний өдрийн 24:00 цагийн хугацаанд Зөрчлийн тухай хуулийн 14.7 дугаар зүйлд заасан зөрчил үйлдсэн хүн 2021 оны 10 дугаар сарын 1-ний өдрийн дотор торгох шийтгэлийн төлбөрийн 50 хувийг төлсөн бол үлдсэн хувийг өршөөн чөлөөлнө гэж заасан байна.

Хэрэв 10 дугаар сарын 1-ний дотор торгуулийн 50 хувийг төлж барагдуулаагүй тохиолдолд үлдсэн 50 хувийн торгууль өршөөлд хамрагдахгүй байхыг анхаарна уу.