Сонгууль бүрийн дараа төрийн албанд халаа сэлгээ хийгддэг нь өнөөдрийн манай нийгмийн үнэн төрх, бичигдээгүй хууль. Ялалт байгуулсан эрх баригчид өөрсдийн хүнийг удирдах албан тушаалд дэвшүүлж, багаа бүрдүүлдэг нь энэ цагийн жам гэлтэй. Яг л энэ жишгээр орон нутгийн сонгуульд Баянгол дүүрэгт МАН олонх болж ИТХ болон Засаг даргын Тамгын газарт эзэн суух эрхтэй болсон.

Ийнхүү УИХ-ын гишүүн Ж.Ганбаатарын дүүгийн эхнэр Б.Нарангэрэл тохиолдол уу, эсвэл “сайн ах”-ын хишиг үү ямартай ч Тамгын газрын дарга болсон юмдаг. Уг нь тэрбээр өнгөрсөн жилүүдэд тус дүүргийн Мэргэжлийн хяналтын хэлтсийн даргаар ажиллаж байсан. Гэхдээ юутай ч сонгуулийн дараа тэрбээр ийнхүү ажлаа сэлгэв. Харин бэр бүсгүй ажлаа авсан даруйдаа хэд хэдэн хэлтсийн даргыг үүрэгт ажлаас нь чөлөөлж, ажил албандаа зүтгэж л суугаа гэнэ.