НӨАТ-ын буцаан олголтыг энэ сарын сүүлээр олгоно

Нэгдүгээр сардаа багтаж НӨАТ-ын буцаан олголтыг олгохоор Сангийн яам төлөвлөж байгаа гэнэ. Нөхцөл байдлаас шалтгаалж хоёрдугаар сарын эхэнд болтол хойшилж магадгүй юм байна.

Урьдчилсан байдлаар IV улиралд нэг сая 18 мянга 314 иргэнд 43.7 тэрбум төгрөгийг буцаан олгохоор байгаа юм.
Өнгөрсөн III улиралд 993,469 иргэнд 43.4 тэрбум төгрөгийг буцаан олгож байсан.

Иргэдийн ebarimt системд бүртгүүлсэн мэдээлэл НӨАТ-ын тухай хуулийн 5.1 дэх заалтыг хангасан эсэхийг Татварын албанаас хянаж дуусаад, ажлын хоёр хоногт багтаан Сангийн яам руу руу шилжүүлэх журамтай байдаг.

Сангийн яамнаас Төрийн сангийн буцаан олголтын тусгай данс руу ажлын 20 хоногт багтаан санхүүжилтийг өгч, Төрийн сан ажлын гурав хоногт иргэдийн данс руу шилжүүлдэг байна.