Орон нутгийн иргэдийг нутаг руу нь буцааж эхэллээ

Улсын онцгой комиссын шийдвэрээр Улаанбаатар хот, орон нутагт хязгаарлалтын дэглэмд байгаа иргэдийг өнөөдрөөс эхлэн 10-н хоногийн хугацаанд нутаг буцаахаар шийдвэрлэсэн.

Энэ хүрээнд өнөөдрөөс эхлэн нийслэлээс Тэнгэр, Лавай, Драгон гэсэн гурван зорчигч тээврийн төвөөс 14 аймгийн чиглэлд 08.00 цагаас эхлэн тээвэрлэлт хийгдэж байна.

Дашрамд дуулгахад, хот хооронд зорчих иргэн та халдвар хамгааллын дэглэмээ сахиж , замын хүнсээ базааж, хөдлөх цагаасаа 30 минутын өмнө автобуудалд ирсэн байх ёстой. Мөн шинжилгээний хариу, тасалбар, иргэний үнэмлэхээ биедээ заавал авч явахыг Авто Тээврийн Газраас анхаарууллаа.