УИХ өнөөдөр бүрэн эрхийн хугацааныхаа хамгийн сүүлийн буюу отгон чуулганаа завсарлуулахаар төлөвлөөд байна. Сонгуулийн жил учраас эрт завсарлаж гишүүддээ сонгуульдаа бэлтгэх боломж олгодог юм. УИХ-ын чуулганы нэгдсэн хуралдаан 10.00 цагаас эхлэх бөгөөд завсарлахаасаа өмнө дараах асуудлуудыг хэлэлцэхээр төлөвлөжээ.

• Тогтоолд өөрчлөлт оруулах тухай УИХ-ын тогтоолын төсөл /Засгийн газар өргөн мэдүүлсэн, хэлэлцэх эсэх/;
• Тогтоол хүчингүй болсонд тооцох тухай УИХ-ын тогтоолын төсөл /Үндсэн хуулийн цэцийн 2020 оны дөрөвдүгээр дүгнэлтийг хүлээн авсантай холбогдуулан боловсруулсан/;
• Олон улсын гэрээнд цахим харилцааг ашиглах тухай НҮБ-ын конвенцыг соёрхон батлах тухай хуулийн төсөл /Засгийн газар өргөн мэдүүлсэн, соёрхон батлах/;
• Эрүүл мэндийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн Эмнэлгийн тусламж, үйлчилгээний тухай хуулийг дагаж мөрдөх журмын тухай хуульд өөрчлөлт оруулах тухай хуулийн төсөл /эцсийн хэлэлцүүлэг/;
• Баталсан хууль, УИХ-ын тогтоолуудын эцсийн найруулгыг сонсоно;
• Тогтоолд өөрчлөлт оруулах тухай УИХ-ын тогтоолын төсөл /анхны хэлэлцүүлэг/;