Мэргэжлийн хяналтын хэлтсийн дарга хүчингийн хэрэгт холбогдон шалгагдаж байна

Нийслэлийн Сүхбаатар дүүргийн Мэргэжлийн хяналтын хэлтсийн дарга Б нь хүчингийн хэрэгт нэр холбогдож, хуулийн байгууллагад шалгагдаж байна. Тэрбээр ажлынхаа газрын улсын байцаагч эмэгтэйг хүчиндэхийг завдсан гэх. Тиймээс хохирогч эмэгтэй цагдаагийн байгууллагад гомдол гаргаснаар энэхүү хэрэг илэрч, одоогийн байдлаар түүнийг шалгаж буй гэнэ.

Энэ талаар Нийслэлийн мэргэжлийн хяналтын газрын дарга Л.Эрдэнэчулуун “Гэм буруутай нь тогтоогдвол ёс зүйн хариуцлага хүлээлгэнэ” хэмээн мэдэгдсэн юм.