АН-ын жагсаалд 40 мянга иргэн оролцжээ

Ардчилсан намаас зохион байгуулж буй эсэргүүцлийн цуглаан Сүхбаатарын талбайд 11.00 цагт эхэлж дөнгөж сая өндөрлөлөө. Уг жагсаалд Монгол Улсын 21 аймаг болон нийслэлийн дүүргүүдээс нийт 40 орчим мянган иргэн оролцсон гэж тус намаас мэдээлж байна.

УИХ-ын дарга, Ерөнхий сайд нарт Ардчилсан намын зүгээс шаардлагаа хүргэж өгснөөр өнөөдрийн эсэргүүцлийн жагсаал албан ёсоор дуусч буй юм. Тус намын дарга С.Эрдэнэ “Өнөөдрийн УИХ-ыг эрх зүйн чадамжгүй гэдгийг нотлох 20-30 шалтгаан байна. Бид ЖДҮ-ийг хөгжүүлэх сангаас зээл авсан гишүүд, ШХАБ-д элсэх асуудал болон 2016 оны сонгуульд эрх баригч МАН-ын ард түмэнд хэлсэн амлалтыг сануулахаар жагсаж байна. АН-ын зүгээс ШХАБ-д элсэх асуудлыг эсэргүүцсээр ирсэн. Сүүлийн үед нэр бүхий улстөрчид болон Засгийн газрын гишүүд, УИХ-ын гишүүд ШХАБ-д элсэн цаг нь болсон, элсэх нь зөв хэмээн дэмжих болсонд харамсч байна. Тиймээс АН ШХАБ-д элсэх асуудлыг хэзээ ч хүлээн зөвшөөрөхгүй. Эрх баригчид 2016 оны сонгуульд нэр дэвшихдээ өгч байсан амлалтуудаа өнгөрсөн гурван жилийн хугацаанд биелүүлээгүй зөвхөн эрх мэдэл албан тушаалын төлөө тэмцэлдсээр ирсэн. Тэгэхээр луйврын аргаар албан тушаалыг зарах замаар төрийн эрхийг авсан УИХ тарах ёстой. Шударга хуулийг дээдэлдэг УИХ-ыг шинээр байгуулах ёстой гэж бид харж байна. Та нар санаж байгаа бол эрх баригчдын 2016 онд дэвшүүлсэн мөрийн хөтөлбөрөөс ганц ч зүйл биелсэнгүй. Үүн дээр АН дуугарахгүй бол өөр дуугарах нам алга. Нэгэн цагт АН-д мөр зэрэгцэн явж байсан хүмүүс сүүлийн үед уран гоё донгодох боллоо. Тэд нарт хандаж хэлэхэд та нар байсан байгаагүй бид тэмцэнэ” гэв. Энэ удаагийн жагсаалд Ерөнхийлөгч Х.Баттулга, Н.Алтанхуяг, З.Энхболд гурав фракцийнхнаа битгий оч гэж үүрэгдсэн гэх мэдээлэл байгаа юм.

Ардчилсан намаас УИХ-ын дарга, Ерөнхий сайдад гардуулсан шаардлагыг бүрэн эхээр нь хүргэж байна.

ШААРДЛАГА

Улаанбаатар хот 2019.04.05

Монголчууд бидний ардчиллаар олсон ололт амжилтыг үгүйсгэж, эдийн засгийн тулгуур бодлогыг ганхуулж, төрийн институти хоорондын уялдааг зөрчилдүүлж, Үндсэнхууль, эрхзүйн актуудыг дур зоргоороо зөрчиж, явцуу ашиг сонирхол, хоорондын өс хонзон эрх мэдлийн төлөөх тэмцэлдээ ард нийтийг айдас, бухимдлаар хөглөн турхирч,Монгол орныг дарангуйллын зүг хөтлөх санаархал газар авч байгааг Ардчилсан нам эрс эсэргүүцэжбайна.

Ардчиллын тулгуур зарчмуудыг уландаа гишгэж буйг үл зөвшөөрч, Ардчилсан Монгол Улс, Ардчилсан Үндсэн хуулийг хамгаалж тэмцэн, хадгалж үлдэх нь Ардчилсан намын үүрэг мөн.

УИХ-ын 2016 оны сонгуулийг гуйвуулж, 60 тэрбумын схемээр төрийн албыг, төлөөллийн ардчиллыг худалдаж авсан өнөөгийн эрх баригчид хуулийг өөрчлөх замаар дарангуйллыг тогтоох эхлэлийг тавьлаа.

Энэ хаврын чуулганы хугацаанд эрх баригчдаас удаах асуудлуудыг нэн яаралтай шийдвэрлэж, үлдэж буй бүрэн эрхийн хугацаандаа ард түмний өмнө амласан амлалтаа өчүүхэн ч гэсэн хэрэгжүүлэхийг шаардаж байна.

1.Жирийн ЖДҮ эрхлэгчдийнболомжийгзохионбайгуулалттайгаархулгайлж, албан тушаалаа урвуулан ашиглаж, хууль зөрчинконцессынгэрээбайгуулж, татвар төлөгчдийн мөнгийг шамшигдуулагчдад хариуцлага тооцох.
2.Хувийн өмчийг дээдлэх, хуулийг сахин биелүүлэх зарчмаас эрх баригчид алхам алхмаар ухарч, эдийн засгийн тулгын чулуу болох Эрдэнэт, Оюутолгой, Тавантолгойн уурхайнуудыг улстөржүүлэн завхруулж, Монголын ирээдүйг ангал руутүлхэж буй үйлдлээ зогсоож, ард иргэдэд хохиролгүй шийдвэрлэх.
3.Төрийн бодлого хэрэгжих Засгийн газрын яам агентлаг, төрийн бусад байгууллагуудад улс төржилт хэрээс хэтэрч, архидалт, авлига хавтгайрч, аллага хүртэл гардаг байдлын хариуцлагыг эзэнгүйжүүлж буй Засгийн газрыг огцрохыг бид удаа дараа шаардах болно.
4.Хууль хүчний байгууллагын удирдлагуудыг солих, шинэчлэн томилохыг Ардчилсан нам дэмжиж байгаа ч гагцхүү Үндсэн хуулийн хүрээнд хийхийг шаардаж байна. Хуулийн хүрээнд хийсэн бүхэн шинэчлэл, өөрчлөлтийн зам руу явдаг учир зөвхөн нэг хүний эрхмэдлийн хүрээг тодорхойлж, дарангуйлал тогтоох эрмэлзлэлийг бид таслан зогсоох ёстой.
5. Удаа дараа олон жил хууль зүйн сайдаар ажилласан Ц.Нямдорж өөрийнхөө хариуцсан салбарын буруу бүхнийг бусад руу тохож, С.Зориг агсаны хэргийг захиалагч эзнийг зарлахгүйгээр замхруулан, займчуулах гэж байгаа үйлдлийг Ардчилсан нам чимээгүй өнгөрөөж чадахгүй. Хууль зүйн сайдаас захиалагч эзнийг нь шударгаар зарлаж,хэлмэгдүүлдэг, эрүүддэг, олон жил үргэлжилсэн үйлдлийн хаагуур нь өнгөрсөн юм бэ гэдэгт тайлбар нэхэж байна.

Ардчилсан үндсэн хуулиар олгогдсон төлөөлөх эрхийг хууль бусаар эдэлж, хуулийн дагуу үйл ажиллагаагаа явуулах чадамжгүй болж,барьцаалагдсан барьцаалагдсан УИХ өөрөө тарах ёстой гэдэг Ардчилсан намын гишүүдийн байр суурь хэвээр байна.

УИХ ДАХЬ АРДЧИЛСАН НАМЫН БҮЛЭГ