Мансууруулах төрлийн өвс бэлтгэн, нийлүүлдэг этгээдүүдийг илрүүлжээ



Мансууруулах төрлийн ургамал түүж бэлтгэн тээвэрлэж байсан хоёр этгээдийг өчигдөр /2019.03.31/ орой Тээврийн цагдаагийн албанны алба хаагчид илрүүлжээ.

Тодруулбал, Төв аймгийн Жаргалант сумын нутгаас “тоёото” маркийн тээврийн хэрэгслээр хоёр этгээд мансууруулах төрлийн ургамал түүж бэлтгэн тээвэрлэж байсныг цагдаагийн алба хаагчид илрүүлсэн байна. Эдгээр этгээдийг одоогийн байдлаар харьяа нутаг дэвсгэрийн цагдаагийн газарт шилжүүлсэн мэдээтэй. Хоёр этгээд мансууруулах төрлийн ургамал түүж бэлтгэн тээвэрлэхээс гадна өөрсдөө хэрэглэсэн байжээ. Тэд Улаанбаатар хотын харьяат иргэд юм байна.