УИХ-ын гишүүн Л.Болд бүлгээсээ гарах албан бичгээ хүргүүлжээ

Дөрвөн жилийн турш АН-аас УИХ-д нэр дэвших эрхгүй болсон УИХ-ын гишүүн Л.Болд намаасаа бус АН-ын бүлгээс гарах шийдвэр гаргаж “хариугаа” авлаа. Үүнийгээ баталгаажуулж, УИХ дахь АН-ын бүлгээс гарах тухай албан бичгээ бүлгийн дарга Д.Эрдэнэбатад хүргүүлжээ.

Тус бичигт “Монгол Улсын Үндсэн хуулийн 23 дугаар зүйлийн 1-д “УИХ-ын гишүүн бол ард түмний элч бөгөөд нийт иргэн, улсын ашиг сонирхлыг эрхэмлэн баримтална” гэж заасан. Монгол Улсын Засгийн газрыг огцруулахтай холбоотой УИХ-ын чуулганы хуралдааны үеэр хийсэн санал хураалтын дүнтэй холбогдуулан УИХ дахь АН-ын бүлгийн гурван гишүүнд АН-ын удирдлагаас ногдуулсан шийтгэлийг эсэргүүцэж миний бие УИХ-ын тухай хуулийн 26.12-д заасны дагуу УИХ дахь АН-ын бүлгээс гарч байгаагаа үүгээр мэдэгдэж байна” гэжээ.