Хүний эрхийн Зөвлөлийн нэгдсэн хэлэлцүүлэг болж байна

Хүний эрхийг хамгаалах зорилтын хүрээнд олон улсын болон бүс нутгийн гэрээ конвенцын агуулгаар хязгаарлахгүйгээр НҮБ-ын гишүүн улс орнууд дахь хүний эрхийн аливаа асуудлыг цогцоор нь авч үзэж, тогтмол хяналт тавьж, нөхцөл байдлыг сайжруулахад чиглэсэн зөвлөмж өгдөг механизм бол Нэгдсэн Үндэстний Байгууллагын Хүний эрхийн Зөвлөлийн ээлжит нэгдсэн хэлэлцүүлэг юм.

Монгол Улсын хүний эрхийн төлөв байдлыг 2015 оны 9 дүгээр сард 2 дахь удаагийн ээлжээр авч хэлэлцэж 156 зөвлөмж өгснөөс Монгол Улс 150 зөвлөмжийг хүлээн авчээ. Монгол Улсын Засгийн газар дээрх зөвлөмжийг хэрэгжүүлж чадаж байгаа юу? НҮБ-ын Хүний эрхийн Зөвлөлийн зөвлөмжийн дунд хугацааны хэрэгжилтийг үнэлж, дүгнэх, тайланг хэлэлцэх уулзалт Туушин зочид буудлын “Соёмбо танхимд” үргэлжилж байна.