Багш нарын цалинг нэмэгдүүлэх түр хорооныхон өнөөдөр  Live conference center төвд хийсэн мэдээллийнхээ үеэр багш нар есдүгээр сарын 21, 26-ны өдрүүдэд ажил хаяна гэдгээ мэдэгдлээ. Учир нь Багш нарын цалинг нэмүүлэх түр хорооны шаардлагын хариуг Засгийн газар ирүүлээгүй тул ийнхүү ажил хаялт зохион байгуулахаар болсон байна.

Энэ тухай Багш нарын цалинг нэмэгдүүлэх түр хорооныхон дэд зохицуулагч н.Бат-Эрдэнэ, “Есдүгээр сарын 30-нд Сүхбаатарын талбай болон 21 аймагт цуглаан зохион байгуулж, санал санаачилгаа Засгийн газарт хүргүүлсэн. Тиймээс бид тэмцлийн дараагийн хэлбэртээ орж байна. Шаардлагын хариуг ирүүлээгүй учраас бид ҮЭ-тэй хамтран Арбитрын шүүхэд хандах, ажлын 14 хоногт багтааж хугацаагүй ажил хаялт ажил зохион байгуулна. Засгийн газар бидний шаардлагад хариу өгөөгүй тул цалингаа нэмүүлэхийн тулд зогсолтгүй тэмцэнэ.

Одоогоор бүх сургуулиуд дор дороо хурал зохион байгуулж, ажил хаялтад оролцох мэдээллээ нэгтгэж өгнө. Засгийн газраас багш нарын цалинг нэмэгдүүлэх шийдвэр гаргавал ажил хаяхгүй” гэлээ.