Улсын хэмжээнд ажиллаж буй 1983 хэсгийн хороонд сонгуулийн нээлт 07.00 цагт эхэлж иргэд тав дахь Ерөнхийлөгчөө сонгох санал хураалтад оролцож эхлээд байна. Энэ өдөр уламжлал ёсоор Ерөнхийлөгч Ц.Элбэгдорж 11.40 цагт Орос III сургууль дээр саналаа өгөх бол Ерөнхий сайд Ж.Эрдэнэбат 11.40 цагт “Шинэ Монгол” дунд сургуулийн урд талын Номноо хотхонд байрлах сонгуулийн хэсгийн хороонд саналаа өгөх аж.
Харин Ерөнхийлөгчид нэр дэвшигч М.Энхболд 09.20 цагт 23 дугаар сургууль, 11.30 цагт нэр дэвшигч Х.Баттулга 48 дугаар сургууль дээр тус тус саналаа өгөх юм байна. Харин нэр дэвшигч С.Ганбаатар хаана саналаа өгөх нь тодорхойгүй байгаа юм.
Ерөнхийлөгчийн сонгуульд нийт 1 978 298 сонгогч сонгуулиа өгөх бөгөөд санал хураалт өнөөдрийн 22.00 цагаар дуусгавар болно.
