Улсын хэмжээнд 262.4 мянган тонн үр тариа хураагаад байна

Үндэсний Статистикийн хорооны мэдээллээр улсын хэмжээнд энэ сарын 1-ний байдлаар 262.4 мянган тонн үр тариа, 95.2 мянган тонн төмс, 121.4 мянган тонн хүнсний ногоо, 65.2 мянган тонн таримал тэжээл хураагаад байна. Мөн 403.7 мянган тонн хадлан, 8000 тонн гар тэжээл бэлтгэжээ.

2024 онд улсын хэмжээнд 592.1 мянган га талбайд тариалалт хийсэн юм. Үүнээс үр тариа 348.1 мянган га-д, төмс 18.4 мянган га-д, хүнсний ногоо 16.5 мянган га-д тариалжээ. Нийт тариалсан талбай 2023 оны мөн үеийнхээс 1.4 хувиар буурсан.