Алба хаагчид 91 иргэний аюулгүй байдлыг хангажээ

Нийслэлийн хэмжээнд өнгөрсөн долоо хоногт аврах ажиллагааны 7, гал түймрийн 24 дуудлага бүртгэгджээ. Дуудлагын дагуу алба хаагчид шуурхай ажиллаж, 91 иргэний аюулгүй байдлыг ханган, 1 тэрбум 585 сая төгрөгийн өмч хөрөнгийг авран хамгаалсан байна.

Өнгөрсөн долоо хоногт хогийн суваг, хогийн цэг шатсан дуудлага зонхилжээ. Харин цахилгааны аюулгүй байдал хангаагүйн улмаас энэ төрлийн дуудлага нэмэгдэх хандлагатай байгаа аж. Тиймээс галын аюулгүй байдлаа хангахыг анхааруулж НОБГ-аас анхаарууллаа.