ОБЕГ: Цасанд дарагдсан 502 өрхийн гэр хашааг гаргаж, 201 өрхийг нүүлгэн шилжүүлсэн

Хаваржилт хүндэрч, зудын гамшгийн нөхцөл байдал хүндэрсэнтэй холбоотойгоор төрийн цэргийн болон хууль сахиулах байгууллагын томилгоот бүлгүүд өнгөрөгч хоёрдугаар сараас эхлэн орон нутгийн айл, өрхүүдэд тусламж үйлчилгээ үзүүлж буй.

Тус алба хаагчид өнөөдрийн байдлаар 17 аймгийн 96 суманд ажиллаж, 8242 айл өрхөд хүрч, цасанд хаагдсан 54.743 км зам гаргажээ. Мөн 5794 тонн өвс, тэжээлийг хүргэн, цасанд дарагдсан 502 өрхийн гэр хашааг гаргаж, 201 өрхийг нүүлгэн шилжүүлээд байна.