Сэрэмжлүүлэг: “Хунтын рашаан”-д эмчилгээ хийлгэхээр очсон иргэн живж, амь насаа алджээ

Булган аймгийн Сайхан сумын Угалз багийн “Хунтын рашаан” гэдэг газар “Хунт” нуурын шаварт биеэ эмчлэх гэж нуур руу орсон нэг иргэн живж, амь насаа алджээ.

Тодруулбал, иргэн Б живсэн тухай дуудлага ОБГ-т наймдугаар сарын 11-ний өдрийн 18:10 цагт ирсэн байна. Дуудлагын дагуу тус аймгийн Онцгой байдлын газрын Эрэн хайх аврах, салбар, Булган аймаг дахь Цагдаагийн газрын алба хаагчид 08.13-ны өдрийн 06:00 цагаас эхлэн 13:23 цаг хүртэл иргэн Б /41 настай, эрэгтэй/-ыг “Хунт нуур”-ын усанд эрэн хайх ажиллагааг зохион байгуулж эргээс 30 метр, 2.5 метрийн гүнээс цогцсыг гаргаж, Цагдаагийн байгууллагад шилжүүлэн өгчээ.