Мелитополь пуужингийн цохилтод өртөж, Донецк, Крымд дэлбэрэлт болжээ

Украины өмнөд хэсэгт орших Оросын эзэмшилд байдаг Мелитопольд хэд хэдэн дэлбэрэлт болжээ. Оросын төрийн хэвлэлүүд ням гарагийн өглөө Донецк руу 20 пуужин харвасан гэж мэдээлсэн байна. Харин хотын захиргаанаас дөрвөн пуужингийн уршгаар хоёр хүн амиа алдаж, 10 хүн шархадсан гэжээ. ОХУ-ын Запорожьегийн амбан захирагчийн үүрэг гүйцэтгэгч Евгений Балицкий Мелитополь руу пуужингаар довтолж, бямба гарагийн орой хүмүүс, энгийн иргэд, цэргийн баазын албан хаагчид оройн зоог барьж байсан амралт зугаалгын төвийг “бүрэн устгасан” гэжээ.