“Талын түмэн адуу-2020” Батноров суманд болно

Монгол Улсын сумын алдарт уяач Гэрэлчулууны ДАВААЖАВ гэр бүлийн хамт

“Талын түмэн адуу-2020” эвент энэ сарын 21-22-нд Хэнтий аймгийн Батноров суманд болохоор товлогджээ.  Уг эвентэд аймаг бүрийн шилдэг 20 гаруй адуучин оролцох бөгөөд уран уургач, бугуйлч шалгаруулах тэмцээн, “Эрэмгий адуучин” уурга шүүрэх, эмнэг булгиулах, “Адууны тухай дууг хэн сайн дуулах вэ” нутгийн иргэдийн дууны тэмцээн зохиогдох юм байна.

Мөн орон нутгийн гар урлал, жижиг, дунд үйлдвэрлэгчид өөрсдийн урласан бүтээгдэхүүнээ худалдаалах юм байна.

Энэ арга хэмжээ нь монголын малчин ахуй, биет бус соёлын өвийг хадгалах, адуу дагасан соёлыг сурталчлах зорилготой юм.