Тодруулбал, хурлын дарга Л.Батжаргалыг “Аймгийн Засаг дарга огцроод есөн сар болж байхад ИТХ-ыг хуралдуулж, дараагийн даргыг сонгох асуудлыг шийдвэрлээгүй”, “Тариалан эрхлэлтийг дэмжих сангаас тус аймагт усжуулалтын систем суурилуулах зориулалтаар хуваарилсан 679 983 000 төгрөгийн нэн хөнгөлөлттэй зээлийг албан тушаалаа урвуулан ашиглаж өөрийн хувийн эзэмшлийн “Баян тооройн бүрд” ХХК-д авч ашигласан” гэсэн хоёр үндэслэлээр огцруулсан байна. Ийнхүү аймгийн Иргэдийн хурлын төлөөлөгч нар түүний оронд ИТХ-ын даргаар Д.Амартүвшинг сонгосон байна. Төлөөлөгчдийн санал нэгтэй томилсон Д.Амартүвшингийн тухайд, аймгийн ИТХ-ын төлөөлөгчөөр дөрвөн удаа сонгогдож ажилласан. Гэвч хурлын шийдвэр нэгэнт гарч, дараагийн хүнийг аймгийн иргэдийн төлөөлөгчид  томилчихоод байхад огцорсон дарга Л.Батжаргал нь тамга тэмдгээ авч яваад олдохгүй байгаа аж.