Үндсэн хуулийн цэцийн дарга Д.Одбаярыг бэлгийн дарамт учруулсан хэргээр БНСУ-д баривчлагдсан гэх мэдээлэл байна.  Улмаар түүнийг бүрэн  дипломатын халдашгүй эрхийнх нь хүрээнд сулласан гэж Инчоны олон улсын онгоцны буудлын цагдаагийн хэсгээс  мэдэгдсэн аж.

Бэлгийн дарамт учруулсан гэх энэ үйлдэл 2019.10.31-ны оройн 20.00 цагт Улаанбаатраас Инчион руу нислэг үйлдэх үед болсон  бөгөөд тэрээр 20 орчим насны бүсгүйн өгзөгт хүрсэн гэнэ. Улмаар түүнийг Инчонд газардахад нь саатуулсан бөгөөд Венийн хэлэлцээрийн дагуу түр сулласан ч цагдаагаас удахгүй дахин хэрэгт татаж байцаах юм байна.

Д.Одбаяр нь өчигдөр 17.00 цагт Сөүл-Улаанбаатарын чиглэлийн нислэгээр Индонез улсад болох Олон улсын Цэцийн гишүүдийн хуралд оролцохоор тус улсаар дамжин зорчиж явж байжээ.

Сануулахад, Венийн хэлэлцээр нь 1961 оны дөрөвдүгээр сарын 18-нд Австрийн Венад хийгдсэн хэлэлцээр ба гадаад харилцааны ажилтан нь эрүү болон иргэний, захиргааны шүүхийн мэдүүлэг, гэрчлэлээс чөлөөлөгдөх зохицуулалттай юм байна.