Си Жиньпин БНАСАУ-ыг зорилоо

БНХАУ-ын дарга Си Жиньпин БНАСАУ-ын Төрийн зөвлөлийн дарга Ким Жөн Уны урилгаар тус улсад айлчлал хийхээр болсон. Си Жиньпин өнөөдөр буюу пүрэв гарагийн өглөө тусгай нислэгээр Бээжин хотоос БНАСАУ-ыг зорьсон байна.

БНХАУ-ын даргыг түүний гэргий Пэн Лиюань болон БНХАУ-ын Коммунист намын Төв хорооны гишүүн, Коммунист намын Төв хорооны Гадаад хамтын ажиллагааны Комиссын дарга Ян Жечи, Гадаад хэргийн сайд Ван И зэрэг төлөөлөгчид багтсан өргөн бүрэлдэхүүнтэй баг дагалдан явжээ.