НӨАТ-ын сугалааны тохирлоор 80 саяын хоёр азтан тодров

НӨАТ-ын урамшууллын өнгөрсөн дөрөвдүгээр сарын сугалааны тохирлоор 80 сая төгрөгийн азтанаар хоёр хүн тодров.

Сугалааны тохирол өнгөрсөн ням гарагт явагдаж энд 2019 оны дөрөвдүгээр сарын 1-30-ны өдөр хүртэлх хугацаанд худалдан авалт хийсэн баримтуудыг хамруулсан юм. Тохирлоор хамгийн бага буюу сугалааны сүүлийн гурван орон таарсан хэрэглэгч 30 мянган төгрөг хожих бол дөрвөн орон таарсан хэрэглэгч 100 мянган төгрөг хожих эрхтэй юм. Хэрэв таван орон таарвал нэг сая, зургаан орон таарсан бол таван сая, долоон орон бол арван сая, найман орон таарвал 50 сая төгрөг тус тус хожих юм. Энэ удаагийн тохирлоор:
•30 мянган төгрөгийн азтан 23.659
•100 мянган төгрөгийн азтан 2.327
•1 сая төгрөгийн азтан 230
•5 сая төгрөгийн азтан 24
•10 сая төгрөгийн азтан тодроогүй
•50 сая төгрөгийн 1 азтан
•80 сая төгрөгийн 2 азтан тус тус тодорлоо.

Энэ дашрамд НӨАТ-ын урамшууллын сугалаанаас өнгөрсөн онд тодорсон азтанууд хэдэн төгрөг хожиж байсныг дурдвал, 2017 онд 500 сая төгрөгийн нэг азтан тодорч байсан нь хамгийн супер азтан болж байв. 2018 онд 225 сая төгрөгийн азтан мөн нэг хүн, 100 саяын азтанаар гурван иргэн тодорч, нэг удаагийн 100 саяыг нь хуваан авч байв.