Цагдаагийнхан үйлдвэрийн захиргааг хүчитгэсэн хамгаалалтад авчээ

УИХ-ын 23 дугаар тогтоолыг хэрэгжүүлэх, Засгийн газрын 91 тоот тогтоолыг хангах зорилгоор сайд Л.Оюун-Эрдэнээр ахлуулсан ажлын хэсэг өчигдөр Эрдэнэт үйлдвэрт ажилласан. Ажлын хэсгийнхэн хамгийн түрүүнд 49 хувийн талаас томилогдсон найман албан тушаалтныг ажлаас нь чөлөөлж, өрөөг нь лацдаад байгаа юм. Харин өчигдрөөс эхлэн өнөө өглөөний байдлаар Цагдаагийн ерөнхий газрын дарга, тэргүүн комиссар Д.Баатаржав Эрдэнэт үйлдвэрт ажиллаж, үйлдвэрийг цагдаагийн хүчитгэсэн хамгаалалтад аваад байна.