Д.Гэрэл: Гадаадын тагнуулыг баривчилсан

Тагнуулын ерөнхий газрын дарга Д.Гэрэл тус газраас өнгөрсөн арванхоёрдугаар сард гүйцэтгэх ажиллагаа явуулж “Голомт” хотхоноос гадаадын иргэнийг саатуулсан талаар тайлбар хийжээ. Тэрбээр тус хотхоноос баривчлагдсан хүн нь гадаадын тагнуул байсан гэв. Гэхдээ хятад иргэд байсан гэдэг мэдээллийг няцаалаа. Энэ хэрэг дээр одоо мөрдөн шалгах ажиллагаа явуулж буй тул тодорхой мэдээлэл өгөх боломжгүй юм байна.