Уулчин Б.Гангаамаа: Яах гэж олуулаа нэг олсонд орж явав даа

2017-10-23 Ярилцлага
Туршлагатай уулчдын нэг Б.Гангаамаа сураггүй болсон уулчдыг эрэн хайх ажиллагааг зохицуулах чиглэлээр хуралдсан Улсын Онцгой комиссын хуралд оролцож, үүссэн нөхцөл байдалтай холбоотойгоор санал солилцож, зөвлөлдөв.
-Үүсээд байгаа нөхцөл байдлын талаар туршлагатай уулчийн хувьд, санал бодлоо хуваалцна уу?
-Отгонтэнгэрт Монголын уулчид авирдаг болоод 60-аад жил болж байгаа. 2015 оноос авиралт хийлгэхгүй байх тухай журамласан гэдэг. Гэхдээ өнөөдөр зөвшөөрөлтэй, зөвшөөрөлгүй гэдэг асуудлыг эхэлж ярихаасаа илүү уулчдаа эсэн мэнд олох нь чухал байна. Уулчид өвөр талаасаа явсан гэж мэдээлэл авлаа. Нөхцөл байдлын хувьд авиралт хийх улирал биш гэдгийг би шууд хэлмээр байна. Цас сайн нягтраагүй байна. Тийм болохоор цасан нуранги үүсэх магадлал мэдээж өндөр. Гэхдээ одоо энэ тухай ярих цаг биш. Эрсдэлийн байдлыг үзэхэд нөхцөл байдал үнэхээр хүнд байна. Сураггүй болсноос хойш 2 хоног өнгөрлөө. Оргилд гарсан хугацаа 16.40 цаг гэдэг орой байна. Ганц зүйл дээр харамсаж байна. Яах гэж олуулаа нэг олсонд орж явав даа. Яагаад яг ийм цаг агаартай үед авиралт хийв ээ.

-Таны бодлоор цас аль талаасаа нурсан бол?

-Цас аль тал руугаа нурсныг мэдэхгүй. Хавцал руу нурсан бол аюултай. Магадгүй бууж байгаа тал руу гаа нурсан бол бэртэж гэмтсэн байх магадлалтай. Дундын кэмп байгуулаагүй байх. Бэртэж гэмтсэн байлаа гэхэд бие биенээ чирээд явахад хэцүү.

-Н.Сүрэнжав уулчин нэлээд туршлагатай нэгэн гэсэн мэдээлэл байгаа. Таны хувьд энэ хүнийг туршлага талаас нь хэр мэдэх вэ?

-Энэ хүний хувьд Уулын клубуудын холбоог тэргүүлдэг гэж ойлгож байгаа. Туршлагын хувьд Монголынхоо ууланд зөндөө явсан байх. Би сайн мэдэхгүй байна. Гэхдээ цасан нурангийг тооцоолох боломжгүй, тэр хүнийг ч буруутгах боломжгүй.

Өнөөдрийн онч үг

17 цагийн өмнө

© 2017 newsmedia.mn. Бүх эрх хуулиар хамгаалагдсан.