Баянгол дүүргийн өндөр настан 225 сая төгрөгийн азтан болжээ

2019-01-21 Мэдээ, мэдээлэл


НӨАТ-ын урамшууллын 2018 оны арванхоёрдугаар сарын сугалааны тохиролоор супер азтан 225 сая төгрөг хожсон билээ. Энэ удаагийн тохирлын супер азтанаар Баянгол дүүрэгт амьдардаг нэгэн өндөр настан 63030046 дугаартай сугалаагаар тодорсон байна. Хэдийгээр 225 сая төгрөгийн азтан тодорсон ч гэлээ тэрбээр хүсэлтээ баталгаажуулаагүй байгаа аж.

Өмнө нь 2017 оны нэгдүгээр сарын 27-нд 400 сая төгрөгийн “хуурамч” азтан шалгарч, улмаар холбогдох хэргийг цагдаагийн байгууллагад шилжүүлсэн юм. Тэгвэл өнгөрсөн 2018 онд иргэн Ж.Алтанзул 500 сая төгрөгийн супер азтанаар шалгарч байжээ.

© 2017 newsmedia.mn. Бүх эрх хуулиар хамгаалагдсан.