Та өөрийн ивээл болон харш жилээ мэдэж аваарай

2019-11-3 Lifestyle

 

Ивээл жилтэн л бол өвөр хоорондоо зөрчил бэрхшээл огт үгүй, санасан бүхэн аяндаа бүтнэ хэмээн хөнгөн хялбар ухаарч үл болно. Төрсөн жил нь ивээл боловч жилийн махбод харш бол тэдгээр хүмүүсийн хооронд таарч тохирохгүй хийгээд элдэв харшлах, зөрчилдөх зүйл бишгүй гарахыг анхаарууштай.

Тухайлбал, төрсөн жилийн махбодын гал ус хоёр, гал төмөр хоёр, ус шороо хоёр, мод шороо хоёр харш учир ивээл жилтэй боловч зөрчил бэрхшээл учирч болно. Харин харш жилтнүүд хоорондоо гэрлэх, аян замд явах, ан авд мордох, алив үйл бүтээх, арилжаа худалдаа хийхэд хүсэл зорилго, ажил үйлсээ хамтатгаваас санаа сэтгэл нийлэхгүй, бие биенээ ил далд харилцан үгүйсгэх, гадуурхах, марган тэмцэлдэх, улмаар тэрслэн дайсагнах ааш авир гаргаж болзошгүй тул зорьсон үйлс бүтэхгүй, эс бөгөөс элдэв саад тотгор учрах нь олонтаа бөлгөө.

Гэлээ ч харш жилтэй хүн бүр өвөр хоорондоо алив бүхнээрээ нийцэхгүй хэмээн хатуу бодож, үзэж үл болно. Харш жилтнүүд төрсөн эцэг эх, үр хүүхдийн барилдлагаа, холбоо сүлбээтэй бол харшилж зөрчилдөх нь эрс тэс бус зөөлөн, сул байдаг болой. Ивээл хийгээд харш жил, махбодод үл хамаарах хүмүүсийн алив холбоо харилцаа үл харшлах учир гэр бүл болох, ан ав, аян жинд явах, худалдаа хийх зэрэг хамтран үйлдэх алив ажил үйлсэд гар, санаа нийлнэ. Харин махбод нь харш бол элдэв зөрчил, саад бэрхшээл учирч болзошгүй.

1.Хулгана жилтний
Ивээл жил: луу, мич / Харш жил: Морь

2: Үхэр жилтний
Ивээл жил: могой, тахиа, хулгана/ Харш жил: хонь

3.Бар жилтний
Ивээл жил: Морь, луу/ Харш жил: Мич

4. Туулай жилтний
Ивээл жил: Гахай, нохой/ Харш жил: Тахиа

5. Луу жилтний
Ивээл жил: Хулгана, мич, тахиа/ Харш жил: Нохой

6.Могой жилтний
Ивээл жил: Үхэр тахиа/ Харш жил: Мич

7. Морь жилтний
Ивээл жил: Бар, нохой, хонь/ Харш жил: Хулгана

8. Хонь жилтний
Ивээл жил: Тууоай, хонь, нохой/ Харш жил: Тахиа

9. Мич жилтний
Ивээл жил: Луу, хулгана/ Харш жил: Гахай, бар

10. Тахиа жилтний
Ивээл жил: Могой, үхэр луу/ Харш жил: Бар, туулай

11. Нохой жилтний
Ивээл жил: Морь, бар, туулай/ Харш жил: Үхэр

12. Гахай жилтний
Ивээл жил: Туулай, хонь Харш жил: Могой

“Хүмүүн заяа төөргийн судар оршвой” номноос сийрүүлэв

<

© 2019 newsmedia.mn. Бүх эрх хуулиар хамгаалагдсан.