Ховд аймагт 5.5 магнитудын хүчтэй газар хөдөлжээ

Ховд аймгийн Зэрэг сумын нутагт өчигдөр /2026.04.26/ 12.23.22 цагт 5.5 магнитудын хүчтэй газар хөдлөлт болжээ.

Газар хөдлөлтийн төвөөс ойр орших аймаг сумд буюу тус аймгийн Зэрэг сумын төвөөс Зүүн урд зүгт 26 км, Мөст сумын төвөөс Зүүн хойд зүгт 28 км, Цэцэг сумын төвөөс Баруун хойд зүгт 40 км газар хөдөлжээ.

Газар хөдлөлтийн чичирхийлэл тус аймгийн Алтай, Булган, Дарви, Дөргөн, Дуут, Жаргалант, Зэрэг, Манхан, Мөнххайрхан, Мөст, Үенч, Чандмань, Цэцэг, Ховд, Эрдэнэбүрэн зэрэг 15 суманд мэдрэгдсэн байна.