УИХ-ын хаврын чуулган өнөөдөр эхэллээ

Монгол Улсын Их Хурлын 2026 оны хаврын ээлжит чуулган өнөөдөр эхэлж, Хурлын дарга Н.Учрал үг хэллээ. Энэ удаагийн чуулганаар нийт 30 гаруй хууль, тогтоолын төслийг хэлэлцэхээр төлөвлөжээ.

Үүнд:

Төсөв, төлөвлөгөө:

Монгол Улсын нэгдсэн төсвийн 2027 оны төсвийн хүрээний мэдэгдэл, 2028-2029 оны төсвийн төсөөллийн тухай хууль;

“Монгол Улсын хөгжлийн 2027 оны төлөвлөгөө батлах тухай” тогтоолын төсөл;

2025 оны төсвийн гүйцэтгэл, Засгийн газрын санхүүгийн нэгтгэсэн тайлан.

Эдийн засаг, татвар:

Нэмэгдсэн өртгийн албан татвар, онцгой албан татварын тухай хуулиудад өөрчлөлт оруулах төсөл;

Аж ахуйн нэгжийн болон хувь хүний орлогын албан татварын тухай хуулиуд.

Хууль, эрх зүй:

Эрүүгийн хууль, Цагдаагийн албаны тухай хуульд нэмэлт, өөрчлөлт оруулах төсөл;

Нийгмийн даатгалын ерөнхий хуульд өөрчлөлт оруулах төсөл;

Нийтийн албан тушаалтны хууль бус хөрөнгийг нэхэмжлэх, нөхөн төлүүлэх тухай төсөл;

Улс төрийн намын, Үндэсний их баяр наадмын, Боловсролын ерөнхий, Хүнсний бүтээгдэхүүний аюулгүй байдлын тухай хуульд нэмэлт, өөрчлөлт оруулах төсөл.

Засаг захиргаа, чуулганы дэг:

Монгол Улсын засаг захиргаа, нутаг дэвсгэрийн нэгж, удирдлагын тухай хуульд өөрчлөлт оруулах төсөл;

Их Хурлын чуулганы хуралдааны дэгийн тухай хуулиудад нэмэлт, өөрчлөлт оруулах төсөл;

2026 оны намрын ээлжит чуулганаар хийх хяналт шалгалтын цаглавар, хэлэлцэх асуудлын тогтоолын төслүүд.

Бусад:

Төрөөс төмөр замын талаар баримтлах бодлого, Эдийн засгийн эрх чөлөөний тухай, Нийгмийн ажлын тухай, Худалдаа аж үйлдвэрийн танхимын тухай хууль;

Монгол Улс болон Бүгд Найрамдах Австри Улс хоорондын Нийгмийн хамгааллын хэлэлцээрийг соёрхон батлах тухай төсөл;