Цагаан сараар хүүхэд битгий үнсээрэй

Монгол Улсад улаанбурхан, салхинцэцэг, томуугийн өвчлөл нэмэгдэх болсон учраас Эрүүл мэнд, спортын яамнаас дараах зөвлөмжийг гаргажээ.  Улаанбурхны дэгдэлтийн улмаас өнгөрсөн жил олон хүүхэд амь насаа алдсан. Тиймээс сар шинийн өдрүүдэд эцэг, эхчүүд хүүхдээ гадуур гаргахдаа аль болохоор дулаан хувцаслах, томчууд хүүхдүүдийг үнсч золгохгүй байхыг салбарын яамнаас сануулж байна. Амьсгалын замаар дамжиж элдвийн халдварт өвчин дэлгэрэх эрсдэлтэй тул эцэг эхчүүд ч гэсэн болгоомжтой байхыг анхааруулжээ.