Он гарсаар аюулт үзэгдэл, ослын улмаас 228 хүн амь насаа алджээ

Аюулт үзэгдэл, ослын тохиолдол 2022 оны эхний 10 сарын байдлаар 3547 болж, өмнөх оны мөн үеэс 344 (10.7%)-өөр өссөн байна.

Объектын түймэр 2022 оны эхний 10 сард 2548 удаа бүртгэгдэж, өмнөх оны мөн үеэс 436 (20.6%)-гаар, биологийн гаралтай аюулт үзэгдэл 174 болж, 97 (2.3 дахин их)-гоор өссөэн нь нөлөөлжээ.

Мөн аюулт үзэгдэл, ослын улмаас он гарсаар нийт 228 хүн амь насаа алджээ. Энэ нь өмнөх оны мөн үеэс 58 (20.3%)-аар буурсан тоо юм.

Аюулт үзэгдэл, ослын улмаас 2022 оны эхний 10 сарын байдлаар 27.5 тэрбум төгрөгийн хохирол учирч, 3.1 тэрбум төгрөг зарцуулсан байна.