Вакцины хоёр дахь тунгийн тарилга орон нутагт маргаашнаас эхэлнэ

Орон нутагт иргэдийн 88 хувь, нийслэлийн иргэдийн 98 хувь нь вакцины эхний тунгаа тариулаад байна. Орон нутагт дархлаажуулалт сүүлд эхэлсэн учраас хоёр дахь тунг энэ сарын 22-25-нд нэгдсэн байдлаар эхлэхээр болжээ.

Хүн амын 60 хувь буюу 18-аас дээш насны иргэд вакцинд хамрагдан дархлаатай болох хэдий ч үлдсэн 40 хувь халдварын эрсдэлтэй хэвээр байгаа. Тиймээс халдвараас сэргийлж халдвар хамгааллын дэглэмээ баримтлах шаардлагатай хэвээр байгааг ЭМЯ-наас анхааруулж байна.

Дархлаажуулалтын дараах хариу урвалаа иргэд  vis.health.gov.mn/survey хаягаар ороод бичих боломжтой аж. Тус бүртгэлийн систем дээр 75 мянга гаруй иргэн хариу урвалаа бүртгүүлээд байна.